واشنگٹن (بی بی سی ڈاٹ کام) ہالی وڈ اداکارہ نتالی پورٹمین کا کہنا ہے کہ انہوں نے اسرائیلی وزیراعظم کی پالیسیوں کی مخالفت کرنے کے لیے یروشلم میں ایک تقریب میں جانے سے انکار کردیا ہے جہاں انہیں 20 لاکھ ڈالر کی انعامی رقم دی جانی تھی۔ نیٹلی پورٹمین نے انسٹاگرام اکاؤنٹ پر ایک بیان جاری کیا جس میں ان کا کہنا تھا کہ ’میں نے اس تقریب میں جہاں بنیامن نیتن یاہو نے خطاب بھی کرنا تھا نہ جانے کا فیصلہ اس لیے کیا کیونکہ میں بنیامن نیتن یاہو کی حمایت نہیں کرنا چاہتی۔‘ خیال رہے کہ جینیسز پرائز فاؤنڈیشن کی ویب سائٹ کے مطابق ایوارڈ دینے کا یہ سلسلہ 2013ء میں شروع ہوا تھا۔
